اغلاق

حصدنا شو زرعنا سنين .. كلمات: مظهر خلايلة من عكا

حصدنا شو زرعنا سنين. ويا فرحتنا بنتايجنا ،من فرحتنا تبكي العين


الصورة للتوضيح فقط

وتنزل دمعة فرحتنا
نزرع شجر  نحصد ثمر
نرضى بفشلنا .. ما فشر
بعد التعب اسمي انكتب
والفرحة بانت بالصور
بلشنا نحقق شو حلمنا
حصدنا شو زرعنا سنين
ويا فرحتنا بنتايجنا

ولبسنا ثوب النجاح
والله هم وعني انزاح
قلبي مسرور ومرتاح
بس الفرقة بتوجعنا

عشناها احلى فترة
بين بسمة وضحكة وكشرة
رح تبقوا احلى ذكرى
مهما الدنيا تفرقنا

كل فينا بحالو فخور
الاحلام بتنطر بالدور
هاد محامي وهاد دكتور
ورح نحقق شو حلمنا
حصدنا شو زرعنا سنين
ويا فرحتنا  بنتايجنا

وحلمي بلش يتحقق
انشالله بعلمي اتوفق
وامي بلشت تتشوق
وبتدعيلي وتتمنى

تتشوفني طالب ممتاز
وبالدنيا اكبر استاذ
والشهايد امتياز
وما يضيعلي  بشو تعبنا
حصدنا شو زرعنا سنين 
ويا فرحتنا  بنتايجنا

اتحدينا بعزم واصرار
رح ننجح لو مهما صار
من اللحظة بدينا المشوار
وندعي الله ينجحنا
حصدنا شو زرعنا سنين
ويا فرحتنا بنتايجنا 

لنشر خواطركم، قصائدكم، وكل ما يخطه قلمكم أو ما تودون أن تشركونا به، أرسلوها إلى البريد الالكتروني panet@panet.co.il

لمزيد من مقهى بانيت اضغط هنا

لمزيد من مقهى بانيت اضغط هنا
هذه الاعلانات قد تهمك
اغلاق