اغلاق

طَلِّتَك حنان .. بقلم : الشاعرة اسماء طنوس من المكر

يا ورد ياللّي طَلِّتَــك حُـب وحنـان..


اسماء طنوس

                    نظرِة عيونَـك لِيَّ فيــها إلهــامــي
لَمّا بَلمَــح طَــلّتَـك بَحِسّ بالأمــان
                    بتِرجع لِيَ البسمِة بِتزيد أحلامـــي
فيك الأماني بْتِحلى بجَوِّك الألحان
                   بتِسكِر الرّوح فِيَّ بحَلى الإبتسامِــة
يا ورد يا مْعَطَّر وِمزركش بألوان
                  ما احلى الحلى اللّي فيك إبداع رَسّامِ
النّظرة مِنَّك بِتخلّي القلِب وَلهـــان
                  بيغيب مِنّي النّوم وِالسّهَــر علامِـــة
وبَظَلّ افكِّر فيك قاعـد وحَيْـــران
                  بيِسرح خيالي فيك مِن كُثْر هُيامــي
ودِنيِتَك خَضرة بفستانِها الحـليـان
                  ساحِة غَزَل للحُب من غيـر كـــلامِ
لابسِة ثوبَ الفرَح مشَكْشَكِ بتيجان
                  جالها الفَرَح الِكْبير مع عِزّ وكَرامِـة
ودَعوِة للفرَح وِصْلَتنا من نيسـان
                  تنشارِكِ الفرْحَ مَعو لِشهورِ وِايّـــامِ
وِيْظَلّ عبيرُه يفوح في كُلِّ مكــان
                  وتِعمَر ليالي الهَنا ونِطرَب عَأنغـامِ

لنشر خواطركم، قصائدكم، وكل ما يخطه قلمكم أو ما تودون أن تشركونا به، أرسلوها إلى البريد الالكتروني panet@panet.co.il

لمزيد من مقهى بانيت اضغط هنا

لمزيد من مقهى بانيت اضغط هنا
هذه الاعلانات قد تهمك
اغلاق