اغلاق

شو يعني من قبيا الى رام الله، بقلم: عادل ابراهيم غيظان

قبيا من رام الله هي قصة قصيرة لكن فيها كثير تعقيدات لازم ما تكون ، وحق لكل مواطن بده يطلع ع رام الله يصل ع الوقت المحدد واهم شي بأمان ،


الكاتب : عادل غيظان


ولكل شخص بتعامل مع التكاسي والباصات العمومي في البلد راح يعرف شو يعني من قبيا لرام الله واللي ما بعرف يكمل المقال علشان  يعرف شو يعني ؟؟!!
يعني لما بدك تفكر تطلع على شغلك او تطلع ع المشفى او تطلع ع اي دائرة حكومية او وزارة او حتى تفكر تلاقي صديقك او حتى تطلع ع جامعتك لازم تكون قبل ساعة بوسط البلد ويعني لازم تكون قبل بيوم مجهز حالك لطلعة رام الله، واذا ما اتصلت على سائق وحجزت معاه قبل بيوم ، ما تتفاجئ لانه بعد هيك راح تعملك 7 لفات حول البلد بمعدل 50 دقيقة وتستغفر ربك كثير،  بالمقابل المسافة من قبيا الى رام الله تقريبا 33 كم يعني الطريق ، يعني بتستهلك وقت ما بين 35 دقيقة للسائق الي بقود بوضعه الطبيعي و45 دقيقة للسائق الي بفكر حاله رايح نزهة او تكسيه او الباص ما بسمحله ان يمشي بوضعه الطبيعي دون السرعة المخالفة، وهذا برجع لكثير من المشاكل في الباص نفسه او حتى التكسي العادي لانه عفا عليه الزمن ، راح اكملكم قصة شو يعني من قبيا لرام الله ؟؟!!!
في حال كنت انت شاطر وحاسب الطريق انها بدها وقت 45 دقيقة كحد اقصى بتطلع قبل 45 دقيقة علشان تصل الموعد اللي بهمك بالوقت وما تتعرض لاي اشكالية ، لكن راح احكيلك عزيزي ان محاولتك راح تفشل بنسبة كبيرة وراح تعملك لفة في البلد وتستغفر ربك كثير ، وراح تشوف امور  كثير ، منها ثلاث باصات لنفس الشركة بلفوا بالبلد علشان يحملوا الركاب وكل باص معاه يمكن واحد او اثنين او حتى ثلاث ، بالمقابل ما حد بتنازل ينزل الركاب للباص الثاني ، لكن هون بدي اطرح سؤال ما فكروا انه بكون اوفر الهم في حال نظموا انفسهم لوقت معين ؟؟!! يعني من قبيا لرام الله ما بستهلكوا وقود اكثر وكمان بصل المواطن ع موعده المحدد وكمان بنقدر نحك  عنهم شركة بكل معنى الكلمة .

شو يعني من قبيا لرام الله ، يعني بعد ما تطلع  بالسيارة و50 دقيقة تأخير ، راح تسمع صوت تشويش الراديو ، ومزاج السائق واذا بدك تحكي راح تحكي الله يجيبك يا طولة البال . وبالنهاية مقال  من قبيا الى رام الله ، بشمل كمان قرية بدرس.

لنشر خواطركم، قصائدكم، وكل ما يخطه قلمكم أو ما تودون أن تشركونا به، أرسلوها إلى البريد الالكتروني panet@panet.co.il

لمزيد من مقهى بانيت اضغط هنا

لمزيد من مقهى بانيت اضغط هنا
هذه الاعلانات قد تهمك
اغلاق