اغلاق

تأمّلات... بقلم : سيمون عيلوطي

عَتْمِة..!!ما في حدا مرتاح... بْهَالعَجْقة وِالزّحمِةلا طير هَالصّباح..


سيمون عيلوطي

وْلا وَطْوَط العتمِة..،
شُبّاكي هَالفوّاح
مستنّي شي نسمِة
تْهَفْهِف على التّفاح..
وَالوَرْد بِشي نًغْمِة..،
هَالحُب وينو راح..؟؟!
قولوا وَلَوْ كلمِة..!!

******
حُزُن...
الليل والأحلام والحُب العتيق
وسْنين تُمرُق بالعُمُر
 فوق الطّريق،..
ضاعت أماني
وْفارقت قلبي وُعود
تْحسّر زماني...
وْما صفالي بالهّاوجود
غير الأسى وْخيبات
ما إلها حُدود..،..،
صامِد أنا...
بستنّى بسمِة يا بريق!!

******
بَلْكي...!
نْجوم تهوي بْالهَمسا
واقْمار تاهَت عَ الدّروب
وَيْلات لَفّعْها الأسى
بِغْيوم أسود مِ الحُروب،..،
موجات تِهْلِك هَالأرِض
غَطّتْنا من طول وْعَرِض
وِنْعيش بين علّ وْعسى...
بَلْكي بْسمانا هَالفرَح
بكره يِجوب!!

******
خيبة أمل
يوم فَلّ الطّير مِ مْواج البرِد
من بْلادنا...
وِصْفرّت زْرار الوّرِد..،..
والبَدِر غَطّت وِجّو
 كْوام الضّباب،..،
صُرْنا مثِل أشباح
شَرْدَت بِالمدى
ما عاد حَدّ بْهَالعَتِم
يعرف حَدا...
ضاع الأمل عَ الدّرْب
وِتْلاشى الوَعِد!! 



لنشر خواطركم، قصائدكم، وكل ما يخطه قلمكم أو ما تودون أن تشركونا به، أرسلوها إلى البريد الالكتروني panet@panet.co.il

لمزيد من مقهى بانيت اضغط هنا

لمزيد من مقهى بانيت اضغط هنا
هذه الاعلانات قد تهمك
اغلاق