اغلاق

خواطر ، بقلم : جيانا محمد عباس من شعب

في خاطرة جديدة ننشرها امام متصفحي موقع بانيت الكرام ..قبل ما نترك فيني إطلب منك شي ؟!_ شو ؟



" تم إرسال مقطع صوتي "

- اسمع هالمقطع .. هاد بيمثل حياتي معك , باي
_ اوك رح اسمعه .. باي

..........
وقتا تركنا بعض هيك .. بكل برود
بكل استسلام وملل وتخلي .. بكل قناعة

سمِع المقطع الصوتي .. واتفاجأ إنو عبارة عن دقيقة فاضية
مافيه كلام ولا نفَس .. ولا عتب ولا خناق ولا حتى وداع

عرِف شو قصدي .. إنو حياتي معه كانت متل هالفراغ

ما رد .. وما رجعت حكيت

مرقت لهلأ سنة ..

اليوم حابب قول شي , ويمكن نسميه اعتراف

بالمقطع الصوتي .. سكتت لـ دقيقة كاملة
بس بآخر السكوت هاد .. قلت جملة صغيرة :

" أنا بحبّك , إن سمعت هالكلمة , بس قلي سمعتا و ح ضلني معك "

بعد سنة اكتشفت إني كنت على صواب

عشت معه حياة كاملة عم بتحمل كل ظروفه وغيابه بكل وفا
وهو ما قدر يتحمل يعيش دقيقة وحدة .. يصبر فيها .. لـ ضلني معه

مو مهم .. والله
بعمرك لا تتعب لـ تخلي يلي معك يحبك كتير
بيكفي إنك تضل أحسن منه .. لـ تعرف دايماً قيمة الخسارة يلي خسرها

ولـ تعرف إنك دايماً ربحان حالك ..

جيانا محمد عباس من شعب من هواة كتابة الخواطر والاشعار

لمزيد من مقهى بانيت اضغط هنا
هذه الاعلانات قد تهمك
اغلاق