اغلاق

شابة متـزوجة : حماتي تريدني خادمة لها ولبناتها، كيف أتصرف؟!

مرحبا، انا مشكلتي مع بيت حماي مشكلتي كبيرة ومعقدة، وبتمنىى تساعدوني وتنصحوني ازا حد واجه نفس مشكلتي...


الصورة للتوضيح فقط

انا جوزي كتير منيح وبحبني وعلاقتي منيحة معو، بس المشكلة انها امو كتير قوية ومو تاركتني بحالي، بدها اكون خدامة عندها مو كنة، بدها اضل كل وقتي بدار حماي اشتغلهم وانظفلهم.
والله قصتي طويلة، لو احكي متاكدة الكل رح ينصدم وانا والله مو عاطلة وبقوم بالواجب وزيادة، وبشتغل بس هي طماعة بدها اترك داري واضل عندهم عشان هي وبناتها ما يعملوا شي.
عندها بنتين صبايا معودتهم ما يعملوا شي بالدار، بدها احنا الكناين نشتغل وننظف وسخهم، ودايما تبهدلني وتغلط علي واسمع منها حكي بزعل وبجرح، والنا فترة شهر ما بحكي مع دار حماي بس جوزي يعني ابنها علاقتو منيحة مع اهلو، بحكي معهم طبيعي والها كم يوم بتتحركش خايفة ترجع العلاقة متل قبل، انا ما بدي هيك انا مرتاحة عندي ولد صغير بدي اربيه وادير بالي عليه وع بيتي وزوجي، ما بعرف ازا صارت مشكلة شو اعمل!! وخايفة تعبي راس ابنها علي ويجبرني انزل عند اهلو!!

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من قلوب حائرة اضغط هنا
هذه الاعلانات قد تهمك
اغلاق