اغلاق

‘ بدّي بنتي .. الله يرضى عليكي يمّا ايمان ‘ - بالفيديو : الأم العكاويّة تبكي بحرقة على ابنتها القتيلة

قالت والدة الشابة ايمان عوض من عكا ، التي تعرضت للطعن في بيتها بمدينة عكا أمس ، وتوفيت متأثرة بجراحها بعد وقت قليل ، قالت الأم وهي تبكي بحرقة :" بنتي فقيرة ،
Loading the player...

بنتي بعمرها ما اذت حدا ، اللي بسبها بضلها ماشية بتسمعش مسبتها" .
وعن علاقتها مع المرحومة ابنتها ايمان ، قالت والموع  تنهار من عينيها :" الله يسعدها ، الله يرضى عليكي يما، رضا قلبي وربي ، دائما اترضى عليكي يا ايمان ، انتي الوردة تبعتي " .
وأضافت :" كنت عند ايمان قبل ما ماتت بيوم ، وانا مش دايما بروح عندها ، بس قلبي حاسسني مش مرتاحة ، كنت اطّلع فيها بس مش عارفة اني بودعها " .
وفي سؤال للأم ان كانوا يشعرون من قبل ان حياتها بخطر ، أجابت :" لا ، احنا ملناش اعداء ، بحياتنا ما اذينا حدا " .
وعن ردود الفعل والمظاهرات التي خرجت في الوسط العربي بعد مقتل ابنتها ايمان عوض والطالبة يارا ايوب من الجش، قالت الام الثكلى :" ع الفاضي ، رح ينقتل غيرها وغيرها والحكومة نايمة ، بس صور ومظاهرات وحكي فاضي ، الحكومة معملتش اشي ولا رح تعمل اشي . نفسي امسك اللي قتل بنتي واسأله بس ليش ، شو عملتلك ، ليش ما رحمتها ، فشي بقلبك رحمة تشكها بالسكينة ؟؟ " .
وأكدت الأم الثكلى في ختام حديثها :" خيها منيح معها وجوزها منيح معاها كثير . كانت تقلي يما جوزي جبلي واقلها بعرف يما ، انبسطي وعيشي يما ، والله ما خلا محل الا اخدها عليه وجابلها " ... ووسط بكاء شديد ونواح ، استضرخت الام :" بديش اشي بس بدي بنتي ، يما حبيبتي " .


المرحومة ايمان أحمد عوض

لمزيد من اخبار محلية اضغط هنا
هذه الاعلانات قد تهمك
اغلاق