اغلاق

شاب : انا احب طليقتي وهي ايضا تحبني .. ولكن !!

انا شاب كنت متزوج من امرأة ليست فائقة الجمال ولكن فائقة الاخلاق، لم اكن اعرفها قبل الزواج تقدمت لخطبتها وبعدها تزوجنا، وبعد سنة الله رزقنا ببنت، وكم انا متعلق بابنتي،


الصورة للتوضيح فقط


ولكن بعد فترة من الزواج بدأت تواجهنا مشاكل تخطيتها اول مرة وأخرى وأخرى، لكن الأمور بدأت تزداد تعقيدا .. انا اعلم ان زوجتي قلبها طيب ولكن عندها ام واخت الله يطعم كل مشتهي ويبعدهم عن جميع البيوت، ومشكلة زوجتي انها كانوا ياثروا عليها بشكل كبير، وللاسف الشديد ابوها ما بقدر يحبني، كبرت الأمور مرة ورا مرة لحد ما وصلنا للطلاق، وطبعا انا انحبست مدة أسبوع!!
ما علينا بعد الطلاق بسنة طبعا كنا على تواصل بشكل رسمي عشان البنت وأشوف البنت، حاولت اصلح الأمور وحكيت حرام بنتي تتربى بعيد عني. اولها تكابرت .. بعدها تركتها على راحتها وبعد فترة حسيت انو هي بتحاول تتقرب مني وهيك فتحت الموضوع كمان مرة، قبلت بعدها بفترة صارت بدها شروط  وانو وانو.. وانا متاكد انو هاد الكلام مش من راسها، حكيت معها وفهمتها واتفقت انا وياها، ولما رحت على البيت تاني يوم اتغير رايها.
انا انسان وضعي مستور والحمد لله، وبامكاني اتزوج وحدة تانية، بس أنا حكيت انو بنتي وامها أحق في وانا بدي تاخدوا الموضوع بجدية، هي هلا رافضة الفكرة وما بدها ترجع، مع انو انا متاكد بس بتجاكر بحالها وهي من جوا بدها ترجع!!
لو سمحتو اخواني اخواتي بدي تنصحوني بضميركم وان شاء الله يكون من استشارتكم فائدة، والله يجزاكم كل خير.

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :[email protected] .


لمزيد من قلوب حائرة اضغط هنا
هذه الاعلانات قد تهمك
اغلاق