اغلاق

آه يا زمن - بقلم: زهير دعيم

آه منك يا زمن عَضّيتنا بنابَكْ


صورة للتوضيح فقط - تصوير  anyaberkut-iStock

   
وقفّلت في وجوهنا بوابك
ورميتنا خلف الجبالْ
بلا هوّية ، بلا موّالْ
 عَ دروب لا هي دروبْ
والسّما معكّرة
والقمر معصوبْ
ونجوم عم تبكي
عَ شي حلم بيذوبْ
+++
لا تتعب يا قمر
بتنادي ما في حدا
صار الاخو بهالايام
لخيّو عِدا
وتفرّقت القلوب
والمصلحة دين صرنا بنعبدو
بنحرق ارواحنا بخور
جوّا معبدو
+++
آه منك يا زمن
وين أيام الهنا
وين طلاتو ؟
وين الطّابون الحلو
وين خبزاتو ؟
والابريق على الاسكملة
تغنّي ميّاتو !!
+++
ما أحلى القعدة سوا
 بليلة ربيعية
والربّ حامي الحِمى
ليْليّة ، ليلية
بيسهر علينا من فوق
بنظرة حميميّة
+++
يلّلا  نرنّم  ونحبّ
صبحيّة وعصرية
تتعود البلد من جديد
 بالإيمان  مضوية

بإمكان متصفحي موقع بانيت إرسال أخبار وصور لنشرها في موقع بانيت مجانا على البريد الالكتروني :panet@panet.co.il

لمزيد من مقهى بانيت اضغط هنا
هذه الاعلانات قد تهمك
اغلاق