اغلاق

فتاة 20 عاما: ضيعته وخسرت حبه بسبب حبيبي الخائن

مرحبا للجميع، انا حبيت احكي مشكلتي وبتمنى تتعلموا منها وما تغلطوا مثلي، انا فتاة عمري 20 سنة، تعرفت على واحد عن طريق النت قبل سنتين وتعلقت فيه كتير،


الصورة للتوضيح فقط ، iStock-fizkes

لدرجة انو كنت اترك كل شي واحكي معو، وكنت ما اهتم لتعليمي بس بدي احكي معو، كنا نحكي كتير، كان انسان بحبني كتير بحياتي ما شفت حدا بحبني قدو، وكان يضل يسال عني ويقولي انو كتير بحبني وانا حبيتو كتير، وكنت مستعدة اعمل اي شي منشانو، وفي نفس الوقت كان فيه واحد ثاني من قرايبنا معجب فيني واكتر من مرة طلبني وحكى مع امي وابوي، بس انا ما وافقت من كتر ما كان يضل يحكي انو بدي ياني رحت عليه وحكيتلو انت مش منيح وانا بكرهك، وانت كتير بشع مع انو كان العكس وكل البنات بتمنوه والكل مستغرب ليش انا مش موافقة عليه، فكروني مجنونة او اشي، بس انا كنت احب حبيبي اللي اتعرفت عليه عن طريق النت، اللي كان يقولي انو كتير بحبني وانا كنت اصدقو، وبيوم من الايام كان كل شي تمام بنحكي وفجأة بشوفو مختفي وين وليش ما بعرف، وبكتشف انو حاط علي بلوك، والانسان اللي حبني جرحتو ورميتو، ليش؟! كلو كرمال واحد خاين وكذاب!! شو صار لو انا اخترت الانسان اللي بحبني وريحني، واسا انا بسبب اللي حبيتو خسرت حياتي وتعليمي، ودايما عم اتعذب بسبب غلطتي هاي.. وشكرا لموقع بانيت.

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا

لمزيد من قلوب حائرة اضغط هنا
هذه الاعلانات قد تهمك
اغلاق