اغلاق

امرأة : هل سنلتقي بعد كل هذه السنوات ؟!

انا ام لثلاث اولاد، يتيمة الام والاب، عشت ببيت جدي، مرحلة الطفولة توفت جدتي وكنت صغيرة كثير، جدو من خوفه علي ما خلاني أكمل تعليمي وقرر انه يزوجني،


صورة للتوضيح فقط تصوير : iStock-serts 

لحتى يطمن علي، تزوجت بعمر كثير صغير لواحد اكبر، مني، وفي فرق بالعمر طلب جدي اني أعيش بغرفة عند دار حماي والسبب انه اتعلم من حماتي ويكونوا اهل لالي، بس انا عشت بجهنم عند زوجي ودار حماي ما في قلبهم رحمة، وسلفة فوق ما تتصوروا مؤذية، عشت على ضرب واهانة وذل من زوج ودار حمى، الله وحده عالم بالي مريت فيه وكنت بنظرهم انهم بطعموني ودايريين بالهم علي يعني متحمليني غصب، بس ما كان بايدي شيء اعمله غير اني أضل ساكتة، ما الي حد اروح عنده، كنت مطرة بعد وفاة جدي!!
في يوم شفت شاب لاول مرة بحياتي قلبي بفرح بس لمجرد شفته، ما حكيت معه بس هو ضل ماشي وراي لعرف وين ساكنة، وبعد فترة اجى هذا الشاب على بيتنا يطلبني من حماي على اساس مفكره ابوي وانصدم لما عرف اني متزوجة وعندي ولد بس هذا الشاب كان امل بالنسبة الي، كنت كل ما اكون بمشكلة هو يساعدني كيف ما بعرف، في يوم كنت بالسيارة مع زوجي وصار مشكلة بيناتنا، جوزي عصب كثير على فتح باب السيارة ورماني من السيارة، انا خفت كثير ما بعرف اذا هي صدفة او شيء ثاني، ما لقيت غير هذا الشاب بقولي اركبي لحتى أروحك، الدنيا ليل ما تروحي لحالك، وصلني على بيت زوجي وعرف قصتي، طلب مني اني اتركه، بس انا ما بقدر اترك اولادي، ما عندي الجرأة وكنت صغيرة، فتعلقت باولادي بطريقة كبيرة، بجوز لاني انحرمت الام والاب، ما حبيت احرم أولادي، الي صار معي انه هذا الشاب تزوج وصار له عيلة بعد عدة محاولات منه اني اترك جوزي على شان يتزوجني، رفضت فهو تزوج!!
مرت الايام والشاب يسال عني من بعيد وانا كمان رغم عيشتي السيئة، احترمت زوجي وبيتي واولادي لانه كان هو امل بالنسبة الي، ساعدني ليعطيني الثقة بنفسي لاعيش، قدرت اثبت حالي واعمر بيت وعيلة رغم اشتياقي لشخص، احترم زواجي واحترمني بعد سنين ابني بالجامعة، تعرف على فتاة وحبها، قرر انه يتزوجها وبدو أروح ازور اهلها واطلبله اياها والقدر مرة ثانية، انها تطلع هذه الفتاة ابنته، شو اعمل؟!، كيف ادخل بيتهم؟!، كيف احكي معهم؟!، انا ما بقدر لاني ما نسيته ولا هو نسيني، اخليه يتركها بس هو حبها ما بقدر اضحي مرة ثانية، برضو من شان اولادي، كيف اتصرف؟!، انا ما بقدر هذا الشاب يكون انسيب، انا بحكي عنه بكل ثقة لانه بجد هو هيك، انا ما خنت زوجي بعدت لحتى ما اغلط، ليش كل هذه السنين!!، ما قدرنا ننسى بعض شو كيف اتصرف؟!.

تواجهون في حياتكم مشكلة اسرية ، زوجية ، عاطفية ، اجتماعية او غيرها ؟ تبحثون عن حل ؟ حائرون وبحاجة الى مساعدة ؟ .. يمكنكم ان تطرحوا مشكلتكم ليشارككم في حلها متصفحو موقع بانيت ، من خلال هذه الزاوية - " قلوب حائرة " .كل ما عليكم ان تفعلوه هو ان تبعثوا بمشكلتكم الى العنوان التالي :panet@panet.co.il .

لمزيد من مشاكل وقلوب حائرة اضغط هنا

لمزيد من قلوب حائرة اضغط هنا
هذه الاعلانات قد تهمك
اغلاق