اغلاق

شاب: حياتي مع زوجتي أصبحت مستحيلة ، ماذا أفعل ؟

انا شاب متزوج الي اكثر من ٨ سنين ، عن حب ، عندي اولاد ، انا وزجتي عشنا احلى ايام حياتنا مع بعض على الحلو وعلى المر الحمد لله ، بحاول قديش بقدر ما اقصر


صورة للتوضيح فقط - تصوير iStock-baona

باهل بيتي والحمد لله كل شي متوافر من كل شي بالبيت ، اولادي مجتهدين بالدراسة الحمد لله .
انا شاب معروف بالبلد الحمد لله وهذا فضل من رب العالمين، محترم محبوب صاحب واجب بكل شي دايما مبتسم حتى لو كنت فرحان ولا زعلان ، الاشي المهم بالموضوع انو زوجتي كانت قبل فترة تحكي على المسنجر مع واحد ، قعدت معها فهمتها انو ما بصير وغلط ورجعنا احسن من اول ووعدتني انها اخر مرة وسامحتها ، مرت الايام يوم رحت على الشغل كنت بلعب بالبلفون تاع مرتي وصلت رسالة من رقم غريب بقول لزوجتي مين هاذ بتقلي بالغلط اتصلت على الرقم ما حدا رد فحصت على البرنامج لمين الرقم طلع لشاب من البلد وبتحكي معه على البلفون ، انصدمت كمان مرة اقوى من المرة الأولى لانو الاشي اطور لمكالمات ورسائل ، المهم حطيت عقلي براسي بعد ما رقت فكرت منيح باولادي وقعدت مع زوجتي وفهمتها من جديد انه غلط وما بصير وولادك وسمعتك وسمعة جوزك ، اعتذرتلي واقسمت انه خلص ما تعود بحياتها على هيك اشي وسامحتها للمرة الثانية بس هين كانت الصدمة الكبيرة ، الي سنة ولا بعرف انام ولا اكل زي الناس دايما تعبان وفش قوة معي وكل يوم مرض بدون سبب متت وانا عايش ومش عارف انسى ، بيوم وانا بالشغل فتت على الصفحة تاعت مرتي لانو عندي ما راضي يفوت ، اول ما فتت كان المسنجر يرن فتت اشوف مين طلع شاب ثاني من البلد وبتحكي معه من فتره وبتطلع تشوفو ويشوفها ويقعدو مع بعض ، المهم اعترفتلي بتحكي معه ، من كثر ما انا خايف على ولادي وبحبها سامحتها كمان مرة بعد ما فش حكي ما شرحته الها وتتأسف وتتوعد انه خلص انا اغلطت ومن هالحكي فش اكم شهر رجعت تحكي مع نفس الشخص بس على البلفون وانا كمان مرة سامحتها بس اليوم بعيش بحياة من كثر ما هي صعبة اقسم بالله ما قادر افكر باشي الي سنة بس بعيط ومحروق مع حالي ومش عارف شو اعمل خايف على مستقبل ولادي .
ساعدوني مشان الله شو اعمل ، اقسم بالله حرام والله حرام خايف على ولادي ومستقبلهم انا ميت وانا عايش بدي حل وكمان مرة متاسف كثير كثير لانو قصتي طويلة بس بتوجع الحجر اكثر من مرة سامحتها ورغم كل هذا فش تفاهم صارت حياتي اعصاب بس ما بفرجي لحدا دايما اضحك بس من جوا محروق وميت .

لمزيد من قلوب حائرة اضغط هنا
هذه الاعلانات قد تهمك
اغلاق