اغلاق

عضوة الكنيست ايمان خطيب ياسين في النقب: ‘احنا بدنا صوت يمثلنا.. صوت مجلجل وعالي ع م‘

قالت عضوة الكنيست عن القائمة العربية الموحدة، ايمان خطيب ياسين، خلال زيارة لها في منطقة النقب: "هاي الارض ارضنا وتراب هاي الارض هوي من رفات آبائنا واجدادنا،
Loading the player...

واحنا النا حق نعيش فوقها عزيزات جليلات كريمات. اجا الوقت اهل النقب يعطوا صوتهن للي بحمل همهن وللي بدافع عنهن بصدق وامانة. احنا في سلم اولوياتنا قضايا النقب، لان قضايا النقب هي الجرح النازف تبع مجتمعنا ، لانه هي الصورة الكبيرة الحقيقية لعنصرية هاي الدولة، فاخواتي احنا بدنا صوت يمثلنا، صوت امين، صوت واعي، صوت محافظ، صوت مؤثر وواقعي ".
واضافت: "قلنا بدنا نوخد اصوات شعبنا بس بدنا نقول لشعبنا قبل ما نروح شو بدنا نعمل بهاي الاصوات . احنا بدنا نجيب منجزات لشعبنا، احنا بدنا نجيب اعتراف بالقرى غير المعترف فيها، احنا بدنا نجيب خطة لمنع العنف ، احنا بدنا نجيب خطة للبطالة، احنا بدنا نلغي قانون كامينتس، اصوات ناسنا واهلنا غالية ولازم تُوجّه وتُرصد لمصلحة ابناء وبنات شعبنا ، فاخواتي الكريمات، يعطيكو الف عافية ، وبتأمل انه كل وحدة فيكن في 23 الشهر، تكون الانسانة الامينة على مصلحتها وعلى مصلحة شعبها ، وتطلع وتصوت هي وكل اللي حواليها ، وصوتنا يكون مجلجل وعالي وفي الصناديق ع م  ".
 


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من اخبار محلية اضغط هنا
هذه الاعلانات قد تهمك
اخبار محلية
اغلاق