اغلاق

كش ملك، بقلم: ربی مهداوي

يابن الحلال .. مالك حط هالجندي وخلصنى شكلك ما الك باللعب كثير .. طيب ليش عامل حالك برجوان زمانك وبدك تلعب .. بما انك مش كدها هاللعبة انسحب ولك من اولها ..


الصورة للتوضيح فقط


ييي .. ولك اسكت اي هو في حد بعرف يلعب زي البني ادمين .. ولك كلها حركة جندي مع وزير مسروك منه مكانه ومع هالاسد الي صار ارنب والا هالملك لحاله وبجندي صغير معفن بيأكله في دكيكة.....
اطلع ... هذا إلى شاطر فيه.. اصلا الملك ما بيلهطه حد إلا إذا ملك زيه .. اطلع ع دولنا العربية.. انوه ملك لهطة شعب ..كل إلى لهطناهم الملوك الي بره دفشتنا.. اما الوزير مثل  العود وعم منحركه حسب الكتلة الي بتلكاها ع جنابه من هالملوك الخارجية.. أما الأسود والفيلة يابن الحلال كلهم طواكي نافخة ومش ماخذة غير مطارح غيرها. والأخير بكلك أمن وأمان . العب العب احسنلك بلكي تفلح ولو مرة بحياتك.

يوه.. بعدين معك .. شو خليت بفلسفتك لحد مفلسف أكثر منك..
 طيب وشو رأيك في هاللعبة رح ابينلك انه الجندي الصغير هو الملك ... يا الله ... شفت شفت كيف كش ملكك هالصغير المعفن .. هذا رماك  بره.. يابني اطلع علی الملوك والوزراء كلهم بطيروا حسب لعبة الي بلعبوا ... بس هالجندي الصغير هو الباكي إلا إذا كبر وصار اله مطرح ودوره صار لحتی ينكش مثل غيره ... يسهل عليكم مبارك والسيسي ... خليك جندي صغير في هيك لعبه احسنلك  ... لأنه الفعل علی كد المراجل .. و شكله الي فعله صغير هو الي مراجله مدندنه ايه يا عبود...
والله شكله ما حد بطل يعرف يلعب ..صرنا انكشكش ببعض .. وسلام اتسلمك .. بالك لو نرجع للعبة الحجلة مش اشرفلنا ..
ولك الحجلة للنسوان !!! ، ولك اسكت هو ظل رجال ...
يجعلك ما اتظل ... احسن من جنود لعبتك  .... ما عندهم شرف ولا مرؤة ولا شهامة ولا اخلاق باللعب ...
ههههه ما انت قلتها في اللعب كيف لعاد بس ايصير عند رجالنا ... خليك باللعبة بجوز اتظلك مقتنع انه لساتك موجود و كادر اتكش ملوك ولو ب لعبة وهمية...


هذا المقال وكل المقالات التي تنشر في موقع بانيت هي على مسؤولية كاتبيها ولا تمثل بالضرورة راي التحرير في موقع بانيت .
نلفت انتباه كتبة المقالات الكرام ، انه ولاسباب مهنية مفهومة فان موقع بانيت لا يسمح لنفسه ان ينشر لكُتاب ، مقالات تظهر في وسائل اعلام محلية ، قبل او بعد النشر في بانيت . هذا على غرار المتبع في صحفنا المحلية . ويستثنى من ذلك أي اتفاق اخر مع الكاتب سلفا بموافقة التحرير.
يمكنكم ارسال مقالاتكم مع صورة شخصية لنشرها الى العنوان:
panet@panet.co.il .

لمزيد من زاوية مقالات اضغط هنا

لمزيد من مقهى بانيت اضغط هنا
هذه الاعلانات قد تهمك
اغلاق