اغلاق

راندا البحيري تكشف موقفاً سخيفاً تعرضت له في الطائرة

كشفت الفنانة راندا البحيري عن استيائها الشديد بسبب ما تعرضت له من معاناة أثناء رحلتها على طائرة تابعة لأحد الخطوط الجوية العربية. ونشرت عبر حسابها على،

موقع التواصل الاجتماعي مجموعة صور للطائرة، وحكت ما حدث قائلة: "للأسف مكنتش عايزه اتكلم عن الموضوع ده خالص.. بس اضطروني لكده.. يوم 15 فبراير حصل معايا موقف سخيف جداً مكنتش اتخيل اني يحصل هناك ابداً.. الكراسي كانت بايظه بتاعة الطيارة.. الكهربا فيها تهنيجه كده معلقه تماماً.. فكانت الكراسي بتتحرك لوحدها فجأه وتفتح فجأه وتقفل مع نفسها لدرجة إن الرجل اللي قاعد في الصف اللي قدامي الكرسي لما اتحرك كتير وعلق دخل فيه القميص بتاعه وحزام الأمان".
وأضافت: "أما الكرسي بتاعي من كتر ما علق بقي بيوقع حاجاتي على الأرض ومنها وقع الاي باد جنب الكرسي والكرسي راح بالع الاي باد بين ايد الكرسي وبين الكرسي نفسه والاي باد اتكسر زي ما انتوا شايفين كده.. ومكنش ينفع حد يطلعه علشان ممكن البطارية تتفاعل مع الكرسي والكهربا ويحصل حريقة وده اللي أكدوه وبيقولوا انه حصل قبل كده معاهم.. وبسبب الموضوع ده انا قعدت طول الرحله على الأرض.. أربع ساعات في طيارة على الأرض. أيوه على الارض جنب المكان اللي بنحط فيه رجلينا ده، أنا دفعت 3 تذاكر غاليين جداً علشان في الآخر اسيب أهلي واقعد على الأرض وفي الطيارة."
وتابعت: "دلوقتي عايزاكم تكونوا شاهد على اللي حصل وتقولوا رأيكم .. لما كراسي الطيارة كلها تكون معلقه والكهربا مش شغالة صح.. وكل شوية النور يقطع ويرجع ابقى أنا اللي مسؤولة عن أغراضي الشخصية.. ولما الكرسي يتحرك لوحده ويبلع حزام الأمان بتاع الرجل اللي معرفهوش اللي قاعد قدامي ويبلع أي بادي ابقي أنا برضه اللي مسؤولة عن سلامة أغراضي الشخصية..ده غير إنهم أصلا اعتذرولي وقالولي هنصلحه أو هنشوف نقدر نعمل ايه بس انت انزلي من الطياره.. نزلت وبعدها بيبعتولي ايميلات كلها بتقول مالناش دعوه انت اللي من المفروض تحمي الحاجات اللي معاكي.. ده غير اني قبل ما انزل جالي رجل مش محترم بالمره زعقلي، اه زعقلي والله.. مع اني كنت بتكلم بمنتهى الهدوء وقالي كده مش هينفع اتفضلي انزلي من الطيارة وابقي ابعتي ميل للشركه قولتله المهندس لسه شغال وبيطلع الاي باد من الكرسي. يعني حاجه اخيره لاحظتها ان الاجانب كلهم كانوا محترمين معايا بغض النظر عن انهم مجابوش حقي والعربي الوحيد اللي موجود هو اللي اتخانق معايا."







لدخول لزاوية الفن اضغط هنا
لتنزيل احدث الاغاني العربية اضغط هنا


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من فن من العالم العربي اضغط هنا
هذه الاعلانات قد تهمك
فن من العالم العربي
اغلاق