اغلاق

‘ما عرفت انه هاي آخر ضمة‘- رنا وتد من باقة تكتب لأمها

نشرت الشابة رنا وتد ، ابنة المرحومة سوزان وتد من باقة الغربية ، والتي تم العثور على جثتها في منطقة مفتوحة ، مساء أمس الاول الأربعاء ، منشورا مؤثرا ومبكيا حول
تشييع جثمان المرحومة سوزان وتد من باقة الغربية بحسرة وألم
Loading the player...

مقتل والدتها . جدير بالذكر أن محكمة الصلح في الخضيرة مددت صباح اليوم الاثنين اعتقال وليد وتد ، زوج المغدورة ، حتى يوم الاربعاء الموافق 10.4.2019 بشبهة الضلوع بقتلها .

" مصدر الأمل في حياتي "
وكتبت رنا وتد في المنشور : " شو يما يا حبيبتي ؟
وينك ؟ سقعانة ؟ دفيانة ؟ جعانة ؟ شبعانة ؟ تعبانة ؟ مريضة ؟ هالأسئله كنت اسألها لحالي وقت كان "المجرم" عامل عملتُه ومخلّص وعامل حالُه ولا داري عن اشي ، انا كيف عشت معُه يومين بعد الحادثة وما حسيت عليه ؟! انا آسفة يما ما كُنت وقت الجريمه لحتى اخلّصك من بين ايديه  . كيف قدر يفرّط فيكِ يا وردتي ؟ انتِ كُنتِ مصدر الأمل بحياتي ، دائماً كُنتِ تشجعيني بقراراتي لأنك كُنتِ واثقة اني رح اقدر وأصير رنا الي كُنتِ تحلمي تشوفيها "دكتورة" ، وإن شاء الله اقدر احققلك حلمك يا نور عيني ، الله لا يسامح الّي حرمني منك ، إبنُه الّي بعدُه مش واصل عُمر السنتين حرمُه من حنّية أمه وحنانها ، بعد ما ندوّر عليكي 5 ايام ترجعيلنا بلا روح ؟ مين هو لحتى يحط حد لعمرك ؟ بأي حق بحرمك تشوفي حياتك ؟ بعطيكي هدية عيد ميلادك عن طريق انه يحرمك من اولادك ويدفنك بإيديه تحت التراب وتحت المطر والسقعه بليالي الشتويه  ! ".

" ما في أحلى منك "
وتابعت رنا وتد : " آاااااااااااااه يا يما ، غيابك هدّلي حيلي صورتِك وإنت بلا روح مش رايحة من بالي ، كُنتِ مثل الثلج بس ما في أحلى مِنك كُنتِ مَلاك أبيض ناصِع  ...   "26.3.19" لو كُنت بعرف انه كان آخر يوم النا سوا ، آخر ضمّة وآخر بوسة ، كُنت عملت كُل شي يفرحك كُنت قضّيت معك وقت اطول بس هيك الله كاتب ولا اعتراض على حُكمك يا الله . رحيلِك كان مش بإيدنا ، انتِ رحتي لأنه الله هيك بدُه ، اختارلك المكان الي ترتاحي فيه اكثر ، اختارلك الأحسن ، بس الحنين بوجع بوجع بوجع كثثيييررر ".
وأنهت الابنة رنا وتد منشورها المُبكي بالدعاء لوالدتها ، حيث كتبت : " اللهُم اغفِر لها وارحَمها ، وَزِد في حَسناتِها وتجاوَز عن سَيِّئاتِها ، واجعَل قَبرَها رَوضَةً مِن رِياضِ الجَنَّة اللهُم يَمِّن كِتابَها ، وَهَوِّن حِسابَها ، وَلَيِّن تُرابَها ، وَأَلهِمها حُسنَ جَوابَها ، وَطَيِّب ثَراها وَأكرِم مَثواها ، واجعَل الجَنّة مُستقرّها ومأواها ، اللهُمّ آنِس وحشَتِها في قَبرِها وَنَوِّر لَها وَلِجَميعِ أمواتِ المُسلِمين  . اللهُم آمين  . مش رح ننساكِ يا سوزان ".


صورة عن منشور رنا وتد


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ [email protected]

لمزيد من اخبار محلية اضغط هنا
هذه الاعلانات قد تهمك
اخبار محلية
اغلاق