اغلاق

زجل : لشهر رمضان - هَل هلالك

هـلّ هـلالَك وفْرِحْنا أهــلاً رَمَـضـان


اسماء طنوس - صورة شخصية

  فيكَ العـالي بيِرحمنا                      
   بيِـعـطي الغُفـران     
                      
   ************    
                  
   لِهْـلالَك  شو اسْتَنّينا                       
   أيــام   وِشـهـور                            
   ولِصيامَك شـو حَنّينا                       
   تيــجـيـنـا تـزور                           
   وِذْنـوبِ اللّي  سوّينا                       
   بـيِـمْحَى الغَـفـور                           
   ربّـي العـالي يهَنّينا                        
   بشَـهِـر رمـضـان       
                     
   *************  
                   
   بيـن البَشَـر  والدّايِم                        
   صُـلْـحَـه وسـلام                            
   وبين الصّايِم والصّايم                      
   حُــبّ   وِّئـــام                            
   الله بيـهـدي إلنّـايِم                          
   إصـــحَ  قَــوام                              
   قـُم  وَّحِّـد الـدايم                          
   ربَّــك رَحْـمــان        
                       
   *************  
                   
   يـا غافِر كـلَّ ذنوبي                       
   طـهّـرْت  قـلـوب                           
   يـا معطِّر لي إِطيوبي                     
   إِنـتَ  المـطـلـوب                         
   إنتَ أكـلي  ومشروبي
   وانـتَ  المـرغـوب
   والـلّي روحُه مغلوبِه
   بـيـلـقـى الأمـان

   *************

  اهلاً  بالضّيفِ الغـالي
  ريـحتَـك   بـخّـور
  نـورَك أكـبر دلالِـة
  ضـوَّى المَـعـمـور
  جايِ وحـامِل رِسـالِه
  مــنِ  الغَــفــور
  إلَـك توبِه منِ العـالي
  بصـومَـك رمضـان 

 *************
  يا خاطي قـُم  وصَلّي
  واذكُـــر   ربَّــك
  وِهْمـومَك إلْـها حَلّـِه
  لا     تِـِتْــلَـَبَّــك
  ربَّــك غـافِـرِ الزّلِه
  هــو بـيـحـبَّــك
  وبـيداوي  أيَّ عِـلِّـه
  بــحُــبَّ وحـنـان 

 *************   

 رُحْ وسامـِحْ أصحابَك
 وجـمـيـعَ  النــاس
 إوعَ تسَـكِّرِ آبوابك 
 وِتْـقَـسّـي  الـراس
 وزِّعْ يا اللِّـي بِجيـابَك
 مِـن غـيـرِ قْـيـاس
 راح تربَح  منّـو ثَوابَك
 وتـبـقـى الـرَّبـحان
*************

 


استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ panet@panet.co.il

لمزيد من مقهى بانيت اضغط هنا
هذه الاعلانات قد تهمك
مقهى بانيت
اغلاق