ليليا الأطرش ترد على علاء قاسم بعد أن هاجم المخرجين

موقع بانيت وصحيفة بانوراما

2022-04-03 18:33:23 - اخر تحديث: 04-04-2022 14:12:31

علقت الممثلة السورية ليليا الأطرش على كلام زميلها الممثل علاء قاسم بعد أن هاجم المخرجين والمنتجين مؤكدة أن هجومه منطقي ، مؤكدة أن صناع الدراما لا يوفون بوعدهم.

صورة نشرتها الفنانة ليليا الأطرش على صفحتها الانستغرام - تصوير: بدون كريدت

وشاركت الأطرش منشور قاسم عبر صفحتها وقالت: لسا في كمان اصدقائنا !!! المنتجين والمخرجين ومدراء الانتاج يلي بيشوفك بيضرب على راسو وبيسألك اووووف وين مختفي ليش مبعد عن الوسط ليش ماعم تتواصل وانت طبعاً لا مختفي ولا مبعد ومن الاصل مافي هالتواصل الا من خلال الشغل … بيرجع بيقلك عندي ٣ مسلسلات رح تكون معي بالتلاتة انشالله بيجي الاول بيختفي هوه وبيبعد وماعد بيهمو يتواصل بتشوفو بالصدفة بيقلك يا اخي المخرج عندو رؤيتو وطبعا بالعكس المخرج بيقلك المنتج او بيقولوا مدير الانتاج قال انك مسافر ومدير الانتاج بيقلك ما دخلني وطبعاً ولا واحد فيهون بيكون اصلا متصل ودائما حجج ووعود بيخلصوا التلت مسلسلات وبيخلص الموسم وبيجي الموسم الجديد نفس الحكي .. يلا خليني ساكتة احسن، رمضان كريم للجميع".
وكان هاجم علاء قاسم المخرجين والمنتجين وشركات الإنتاج معتبراً أن كل شخص في المهنة يلقى اللوم على الآخر في حال فشل العمل.
وكتب قاسم عبر صفحته: "بمناسبة دراما رمضان .. بيتفق الممثل على اي شي مع المنتج او مع المخرج او مع كليهما .. بيبدأ عرض المسلسل بيكتشف الممثل انو الاتفاق ما تم .. رغم الحلفانات و الايامين المعظمة و مسك الشوارب .. بترجع للمنتج بقلك مو انا ما دخلني هادا المخرج .. بترجع للمخرج بقلك مو انا هادا المنتج .. بتجمع التنين سوا .. بيطلع معهم انو مدير الانتاج هو السبب .. بترجع لمدير الانتاج بقلك هنن التنين السبب و هكذا دواليك".
وختم بالقول: "مجال المعتبرين حالهم قائمين عليه كذابين او منافقين او ما عندهم الحد الادنى من الرجولة .. كيف ممكن يتطور ؟؟ .. اغلبوا بيتعامل مع كل المهنة انها سبوبة ع طريقة سوق الهال".